囝囝撐場！岑潔儀感謝老公擲6位數出書

藝人岑潔儀（Zoey）為其新書舉行簽書會，老公及18個月大的兒子也有撐場，她透露新書銷量不俗，首印的二千多本已差不多賣完，她說：「真係好感動，得到好多人支持，希望本書可以幫到懷孕中嘅女性，畀到正能量佢哋。內地同東南亞都有留意我呢本書，遲啲可能有機會喺內地同東南亞推出。我好多謝係丈夫嘅支持，因為佢出錢出力，佢投資咗六位數出書圓我嘅心願。（唔駛蝕？）係，好開心。」

唔介意囝囝做童星

Zoey表示計劃推出下一本書關於嬰兒用品，心享心得，但就不敢出書講教育小朋友，她稱：「每個人都有自己一套，但我絕對唔係虎媽，只想小朋友開心成長。」她坦言最近接了不少嬰兒產品的廣告，並有品牌力邀她與兒子上陣拍攝，但最後被她婉拒，她解釋：「因為囝囝太細，我控制唔到佢，我唔介意母子檔，如果老公肯，都可以一家三口拍攝。（畀囝囝做童星？）佢鍾意就得，但我盡量都唔想。」她又指會與嬰兒用品品牌合作設計產品。

力撐餵哺母乳

對於早前韓國女星鄭佳恩在社交網站貼餵哺母乳照而惹爭議，Zoey謂支持該女星，又指自己也曾上載餵哺母乳照：「有網民留言話我只係嚟睇乳房，點解冇嘢睇，個觀點真係好猥瑣，其實睇你個出發點係咩，你嘅出發點係污穢咁睇乜都係污穢，其實餵母乳係好美麗嘅畫面，上天創造乳房就係餵哺母乳。」