鍾浩賢梁雨恩做舞台劇 伍允龍勁讚

20160814
東網電視
更多新聞短片
好睇咪讚囉。

女歌手梁雨恩及男新人鍾浩賢(Keith)日前完成一連六場的舞台劇《書虫的少年時代》,劇情有笑有淚反應甚佳,不少觀眾大讚雨思歌聲動聽,第一次演出的Keith甚有壓台感,而Keith的經理人黃永峰聯同好友伍允龍(Philip)及旗下藝人陳欣妍、張敬仁及郭仲添撐場!

Philip對兩位主角的演出讚不絕口:「Keith有咁多對白,都講得好清楚,演出亦稱職,呢位年青演員非常有潛質!至於雨恩係我教會弟兄姊妹,識咗幾年,但今次都係第一次聽佢唱Live,好有水準,好有公主感覺!」

至於雨恩、Keith及導演梁永能均表示演出後感到很不捨,亦很感激入場支持的朋友、觀眾,Keith說:「一完咗已經好掛住成班人,好多謝導演,嘔心瀝血教咗我成個月,好Amazing!」雨恩說:「呢套劇經過好多風浪,有好多人病,又八號風球,但我哋咬緊牙關,同大家打咗場仗咁,真係好感動,最後一場我哋都眼濕濕,今次演出我哋每個演員都好有火花,同埋網上每個comment我哋都有睇架!希望有機會重演啦!」