震撼全場　劉穎鏇認Big爆身材未係最Fit

今日十位候選港姐在日本福岡進行第二日外景拍攝，並在酒店花園內首次以泳裝見傳媒。當中擁有34吋半D Cup上圍的2號劉穎鏇，雖然穿上一件頭泳裝，但視覺效果震撼全場，現時三圍34.5、25.5、35.5的她，曾被譽為「大隻鍾嘉欣」；不過今日所見已明顯修身，冇以前咁大隻，只是腰部仍有點粗，肚凸凸之餘，腰間部位更出現離奇摺痕，尚有進步空間。

勁減7磅備戰

問到首次着泳衣會否不習慣？她說：「有啲唔慣，喺LA雖然成日都去沙灘，但係唔慣畀人睇住同影相。自己平時唔會着到好性感，唔會好show off。（着一件頭泳裝會否覺得埋沒好身材？）唔會，服裝係大會安排。（身材好着泳裝會加強信心？）唔會。（嫌今日套泳衣唔夠性感，第時再性感啲？）其實等大會安排，覺得今日套泳衣性感度唔算高，相信第時大會安排嘅泳裝都會照顧我哋保護我哋，唔會畀我哋走光嘅。（覺得自己着泳裝特別標青？）個個女仔都好好囉，其實依家好積極去keep fit，自己有baby fat，呢段時間已經瘦咗6至7磅，平時靠跑步練腹肌，但練之餘都唔想有太多肌肉，因為之前都畀人笑我太大隻，自己都唔鍾意太大隻。（腰仲有啲肥？）係呀，依家盡量減緊，未滿意嘅。」