港姐泳裝見真章　陳雅思胳肋底烏卒卒

《2016香港小姐競選》十強佳麗現正於日本福岡拍攝外景，佳麗們首度以泳裝示人，泳裝環節一向可以「見真章」，今次亦不例外！

單文柔肥嘟嘟要戒口

三圍33、24.5、35.5的10號佳麗單文柔（Phoebe）樣子甜美，但穿三點式後令Baby Fat身形無所遁形，她大呼緊張：「好少就咁着三點式，本身都係怕羞妹。（覺得自己有乜優勢？）覺得自己對眼友善有神，依家條腰25吋，想再幼啲，見到其他女仔條腰超幼，冇得偷雞再食朱古力喇！」問到最欣賞哪位佳麗？她大讚劉穎鏇與蘇韻姿，坦言視她們為勁敵。

陳雅思胳肋底烏卒卒

7號佳麗陳雅思（Bonnie）有「選美王」之稱，同樣是弗爆一族，但叉腰擺甫士時，腋下驚現一大撻黑影，相當礙眼！雖然腋下黑影欠美觀，但無損其超強氣勢，她笑言對身形信心十足：「有做Yoga同運動，係好健康咁瘦。（之前選美經驗有幫助？）有㗎！學到點Keep住狀態。」

關可欣電眼失靈

擁34吋上圍的1號佳麗關可欣，穿上泳裝毫不輸蝕，但似乎因舟車勞動而略顯疲態，擁有一雙電眼的她明顯跌Watt，更凸出眼肚！問到首度以泳裝示人，心情會否緊張？佢表示做慣Beach Girl：「成日着泳裝！（滿意身形？）OK嘅，呢個款第一次着，自己好鍾意去沙灘，為咗着泳裝會成日做運動Keep身形。（覺得身形有乜要改善？）行程好緊迫，遲吓要搵多啲時間去做Gym。」