HANA唱作歌手身份被質疑:冇話唔開心

20160817
東網電視
更多新聞短片
HANA最近就出咗兩首新歌!

樂壇唱作新人HANA推出新歌《今天的我》後反應不俗,不過因歌曲並非她創作,有網民質疑她的唱作歌手身份,HANA說:「其實呢個選向係希望用一首歌向大家告白,有時當局者迷嘛,可能從第三者角度去寫,能夠畀大家更立體認識我,都冇話唔開心,反而開心有樂迷留意到,希望佢哋會繼續期待住我嘅作品!」

拍MV似人格分裂

剛推出第二首歌曲《傻瓜裡的童話》的HANA,亦是其首支創作作品公開。回想在拍攝MV當日,HANA需要在同日進行《今天的我》及《傻瓜裡的童話》兩首歌曲的MV拍攝,轉眼由有着夢想的凍齡仙子,搖身成為暗黑天使,以歌聲道出愛情中的陰暗面,她亦笑言過程彷彿像人格分裂一樣,她說:「雖說唱歌要投入情感,但要從內到外瞬間調節到位,真係唔簡單,所以自己一直都好佩服做演員嘅藝人!」

正式改藝名

此外,HANA早前於網上為其中文名字舉行大招募,經過投票後,正式取用「菊梓喬」為其藝名,HANA感激每位有份參與的粉絲說:「個感覺好神奇,因為『菊梓喬』代表住我,都代表住我嘅音樂,同時『菊梓喬』係由大家一同創造嘅,話係一個藝名,但更加似一種信念,相信大家會喺音樂路上繼續陪伴住我!」