不和後首碰頭 鄧穎芝黎美言尷尬合照

20160817
東網電視
更多新聞短片
鄧穎芝(左圖左)同黎美言合照嗰陣,笑容僵硬,好似真係有啲尷尬喎。
藝人鄧穎芝(Vangie)、黎美言(Winkie)、陳展鵬、及孫慧雪等,於上水廣場出席乒乓球推廣活動。當中以透視褲示人的Vangie與Winkie不和後首次碰頭,她們見面時互相say hello,二人更應記者要求進行合照。惟Winkie主動擺出格鬥甫士時,身邊Vangie就表情無奈地跟上對方擺出相同甫士。之後二人於遊戲環節中亦分開企,由展鵬全程隔開她們。
Vangie被問到是否與Winkie「狹路相逢」?Vangie稱自從拍畢節目《G-1格鬥會》後再冇見過對方,又直言接下工作時未知Winkie亦於名單之上,她說:「唔可以咁講,實有機會見到。(事先知會同場?)出咗活動海報先知,見面都會打招呼。(今次酬勞收貴啲?)今日先唔貴,我分晒畀dancers同化妝梳頭同事。因為今日第一次表演新歌,差唔多四年冇邊唱邊跳。」
Vangie重申與Winkie冇聯絡,更直認二人不太熟:「唔係好熟。(面左左?)唔會,同行實會見到,冇尷尬。(齊齊合照?)你哋要求就ok嘅。(有冇出現批㬹情況?)好驚,應該唔會啩。」Vangie亦主動提及日前已因撞期而婉拒《G-1格鬥會》第二季的邀請:「撞期喺大陸開演唱會,之後唔排除再參加節目。(父母畀你再打?)唔畀架,但我好番啦!」