《東張》女神利穎怡最愛專一宅男
無綫資訊節目《東張西望》外景主持利穎怡(Joan)參加TVB第26期藝員訓練班入行,近月曾遠赴加拿大及內地多個城市冒險實地採訪天災事故,但最令網友印象深刻的,是其穿着白背心報道搶包山,激凸身材旋即令她成為《東張》女神!

情迷陳展鵬

Joan亦客串過多套劇集,曾扮演護士、Sales、鄉下妹及花魁,造型多變,但她直言最想有認真的感情線,問到想跟誰談情?她怕醜地說:「講唔講好呢?陳展鵬呀!佢文又得武又得,演技又好,之前睇佢拍《城寨英雄》,佢跟武指學一次動作就做到!嘩!好Amazing!」問到擇偶條件是否也要如展鵬般有型?她卻說:「我鍾意宅男喎!我平時係乾物女,匿喺屋企唔打扮,全日睇漫畫都得!(外型呢?)高,唔好太瘦,識啲運動,咦?又要宅又要識運動,好矛盾呀呵?」Joan直言本身也是運動健將,求學時是羽毛球會副會長,難怪希望男友可跟她一齊運動。

自認耳珠最靚

男仔頭爽朗性格下,其實Joan擁有一顆少女心,感情超豐富,提起21歲初戀的不快經歷,她一度扁嘴眼濕濕謂:「當時我哋分隔兩地,但都成日嗌交,分手後仲發現佢呃我。讀訓練班時要練習點喊,我開頭係諗住佢(嚟喊),所以依家揀男友最緊要專一。」

網上曾有男網民投選最愛女士身材的調查,結果「微胖女」獲最多男士追捧,擁有34C上圍的Joan正是這Type,惟Joan不滿自己略肥,表示要狂做運動操弗。問到她最滿意身體哪個部位,她再諧星上身謂:「耳珠丫!好圓潤,有福呀!條眉都夠深色。(身形呢?)真係揀唔落手呀!」

Profile
利穎怡(Joan)
年齡:28歲
身高:1米66
體重:46kg
三圍:34C、24、35
簡歷:參加TVB第26期藝員訓練班入行,近月主力擔任《東張西望》外景主持,曾拍攝劇集《公公出宮》、《收規華》及《一屋老友記》等。

部分泳衣:Blossom
化妝及髮型:Hanna Cheuk