【腍x晒】李錦聯避談疑爆粗事件：開緊會

藝人安德尊同廚師李錦聯喺節目入面鬥嘴鬥到街知巷聞，而喺無綫節目《區區開伙》上星期六（13號）嗰集入面，佢哋兩個就同枱介紹一間食店嘅美食，由於其中有一樣嘢食，係放得耐少少就會「腍」咗影響口感，體貼嘅李錦聯師傅為咗安德尊着想，於是就提醒佢：「十分鐘之內要食，唔係腍x晒！」

喺呢句說話當中，腍同晒中間有一個好奇怪嘅音出現咗，即時惹起網民瘋狂討論，有聽力比較好嘅網友，就聽到疑似係粗口嘅音，仲話李錦聯師傅喺節目入面爆粗。就此《東網》向兩名當事人求證，李錦聯聽到呢件事即刻話：「對唔住我開緊會。」而安德尊則未有回覆。