約丞琳范范候佩岑聚舊！小S自嘲廢話多

台灣女星徐熙娣（小S）雖然成日要喺家中照顧三個寶貝女，但係間中都會出嚟同閨蜜聚吓。喺圈中人緣甚佳嘅小S，同唔少藝人都好friend。最近佢約咗台灣藝人候佩岑、范瑋琪（范范）及楊丞琳出嚟Girls Talk，難得同閨蜜gathering，當然要影相留念啦！小S喺社交網站上載合照同大家分享，仲留言話：「我人脈真的很廣！佩岑，丞琳都是我的好姐妹～當然范范is always my best friend～當然佩岑和丞琳也是best friends，只是范范認識得較久，but anyway，i love them all！i'm a 廢話連篇的婦女～」小S搞笑話自己係個廢話連篇嘅婦女，唔知佢哋今次個話題係講咩呢？