何超儀送晚飯：陳子聰唔會轉院

藝人何超儀老公陳子聰最近傳出因肝臟有問題入院，但超儀則表示老公是因腸胃不適而留院，日前更由港安醫院轉到瑪麗醫院留醫。

連日來超儀都有到醫院探老公。約晚上七時許，她乘座駕抵達瑪麗醫院，汽車駛到K座門外後，座駕掉頭駛回正院門口落車，即被記者包圍拍照，化了妝及戴上口罩的超儀與保鏢一同下車，她拿着一個膠袋，裏面疑有食物，而保鏢就拿着飯盒及紙袋。

落車見到記者，超儀即笑笑口講：「放鬆啲，食飯啫，你哋都食飯啦！」之後她邊行邊說。問及子聰健康情況？她說：「好番喇！（會唔會轉院？）唔會，呢度幾好，醫院好好。（佢落得床未？）你哋唔好搞住人哋醫院，唔好搞住佢哋。」臨入電梯前她又叫記者去食飯，之後微笑揮手與記者講Bye Bye！