方中信睇好李佳芯有得爭視后

20160822
東網電視
更多新聞短片
Ali擔正做女一,連前輩方中信都話要叫聲「阿姐」先!

藝人方中信、廖啟智及李佳芯(Ali)到電視城為劇集《律政強人》拍攝海報,Ali先後與羅嘉良、方中信及廖啟智等好戲之人合作,她說:「最大得益係我!(方中信、廖啟智咁好戲,你招唔招架得住?)我點會招架得住?期望個劇出街後觀眾覺得我合格就好,智叔仲成日塞錢落我袋,教咗我好多,對我嚟講好珍貴,如果唔計我嘅話,個劇有99分!」

廖啟智說:「Ali咁講,即係TVB得佢一個?佢咁講就掂啦!睇住我哋呀,我都十年八載冇劇喺TVB推出,都唔係好耐啫!(TVB出好好嘅酬勞吸引你?)唔好講呢啲啦!(預咗爭視帝?)派獎咩,獎冇得派嘅!」

方中信笑言Ali係阿姐,他說:「Ali係欽點,唔敢得罪阿姐。(Ali問過你,關於佢嘅演出合唔合格?)唔合格都要話合格,佢呢排抖暑咋,轉室內做奧運,十月佢就開工拍劇,佢會攞飛躍女新人,再入圍女主角。」