名人：相識逾30年　劉香萍向米雪學嘢

退居幕後從事電影策劃工作的前女星劉香萍，花了兩年時間籌備由她執導、女兒貝安琪主演的新作《許願樹》，影片近日在內地公演，母女出動友情牌，邀得女星米雪、名模Rosemary助陣演出外，米雪更特意趕到深圳出席《許》片的活動後，才飛往韓國。

劉香萍表示非常感激相識超過30年的米雪，並謂：「我哋喺佳視年代嘅《射鵰英雄傳》相識，多年嚟不時有合作，好似去拉斯維加斯做嘢，喺米雪身上學到好多嘢，例如佢好有創意嘅諗法同埋尊重老人家，我哋最相似就係同樣咁錫身邊嘅人！」

貝安琪有份畀意見

是次與貝安琪母女檔合作，給予了劉香萍一個全新體驗，她說：「安琪除了主演，都有參與劇本創作，我擔心得我寫，只會吸納到我嘅年齡觀眾層，有佢參與畀意見，可以吸納更多唔同年齡嘅觀眾。」