【強過摔角手】梁佩瑚唔敢得罪老公

新婚燕爾的梁佩瑚亮相有線節目《娛樂熱辣辣》，獲主持鍾慧冰、茜利妹、瑪姬接連送上恭喜，眾主持又搞笑追問她的郭姓蒙古商人老公是否郭靖後人，及是否需要跟老公學射雕，搞到佩瑚哭笑不得。

佩瑚透露早前跟老公返蒙古草原旅行，見識大漠生活，她笑道：「我哋去咗策騎同睇摔角，老公仲落場同摔角手比賽，結果竟然係老公贏咗，原來佢細細個就同羊仔角力，可謂訓練有素，咁打得，我要提醒自己唔好得罪佢！」

自認挑剔

佩瑚指老公已有一名十三歲兒子，故本身沒有生育壓力，加上和老公性格相近，故新婚生活十分開心；但愛乾淨整齊的她，有時還是難忍老公的不拘小節，她說：「好在個仔唔跟我哋住，我咁挑剔，費事畀人話我係惡毒後母！」談到內地影星王寶強自爆戴綠帽主動提出離婚，佩瑚即激動力撐男方說：「一次不忠百次不容，結婚是從一而終的事，我絕對不能接受背叛！」