鍾嘉欣生仔定女？謝雪心：留畀佢自己講

藝人謝雪心以慈善大使身份出席出席博愛慈善活動，她表示擔任大使多年：「冇七年都有十年，時間過得好快。」她透露拍完劇後去了三藩市登台見粉絲，在之前拍劇集《賭城群英會》時幫同劇演員謝賢慶祝生日，現在她要小休一段時間，她說：「每日都去游水做Gym，帶埋隻狗一齊去。」問有否順便去加拿大探鍾嘉欣？她表示沒有。

讚嘉欣亞男乖

提到鍾嘉欣生B，她說：「係呀，好開心，同佢拍《巨輪》、《大藥坊》同佢有好多戲份，做佢媽咪，佢同李亞男都好乖，拍完都叫我媽咪。（送禮物？）會，等佢返嚟先，到時佢帶埋BB返嚟，我可以攬完大再攬細。」問到知不知道是仔定女？她表示待嘉欣自己宣布。

孖馬國明同床

謝雪心稱馬國明在新劇做她的兒子，大讚馬國明好仔，她說：「有次出Trip喺總統套房有張King Size床，佢好客氣讓我瞓，將床好大，我哋就一人瞓一邊。（有冇影床照？）冇，我瞓醒嗰陣拎遙控撳咗成人台，我即刻扔遙控畀阿仔（馬明），佢話阿媽唔使咁驚，只係一啲片段。」