吳業坤跟人嗌Daddy　黃心穎接受姊弟戀

歌手吳業坤、黃心穎和家姐黃心美出席周大福迪士尼Tsum Tsum系列活動，心穎更大騷事業線，搶盡家姐「峰」頭，她表示第一次和家姐同場有點緊張，連爸爸及另一姐姐都有到場。問到會否即場買金器？心穎笑言：「叫爸爸買啦，講笑啫，自己賺錢自己買。」家人可有買定嫁妝給她？心穎透露其實第一隻鑽戒都是爸爸送她的大學畢業禮物，自此就喜歡上鑽石。

坤坤聞買鑽石落閘

心穎表示喜歡儲首飾，平貴都有買。問到以前男友有否送過鑽石？她說：「鑽石就冇收過，頸鏈都有。（分手問番你攞？）如果真係去到呢個地步，我實想畀番佢，原來我睇錯人。」 她更向旁邊的坤坤教路，千萬不要對女仔斤斤計較，坤坤笑言：「唔會，因為我唔會買。」 他又稱小時候都買過情侶鏈：「嗰時要慳錢，飲嘢都唔敢叫凍飲。」

讚坤坤係筍盤

心穎更大爆剛才和家人影相時，坤坤說一齊拍照，還跟她叫「Daddy和家姐」，坤坤即解釋：「係想幫你哋揸機影相，因為成日見你網上同屋企人嘅合照好sweet。（做乜你咁關注心穎，仲叫埋Daddy、家姐，係咪想追人？）只可工作，不可交心。」 問到心穎覺得坤坤如何？心穎笑言：「幾好，筍盤嚟！」坤坤即一臉尷尬流汗。講到可會介意姊弟戀？心穎謂：「ok，溝通到就得！」而坤坤則表示需要與心穎有多些工作接觸才可以增加溝通。