望拍《創世紀》續集　黃智雯小角色都演

藝人黃智雯出席無綫新劇《降魔的》造型活動，被問拍靈異題材劇集會否害怕？她謂小時候家中的神枱對着房門口，曾經驚到瞓唔着，不過長大後漸漸習慣了。而在新劇中她會暗戀馬國明（馬明），笑言害怕抱實他。最近被揭用接近二千置業，馬明榮升鑽石級筍盤，黃智雯叫對方新居入伙後開P慶祝。

至於可有為馬明介紹女友？她笑謂怕尷尬故未有介紹女友給對方認識：「唔使啦！（佢做咗筍盤好耐？）可能佢高要求，我都叫佢個人要Funny（滑稽）啲！」至於可會撮合好姊妹胡定欣與馬國明重修舊好？她說：「唔會啦！失敗又怕尷尬，順其自然啦！」

有指無綫將與內地網站合作拍攝經典劇集《創世紀》續集，黃智雯坦言望有機會參演，即使是小角色亦無所謂：「因可以令內地觀眾認識我。」