冇份做嘉欣囡囡契媽　香香：等BB自己揀

藝人岑麗香到馬鞍山宣傳新劇《為食神探》，身穿貼身衫露出小蠻腰，上圍勁澎湃，之後又落台與Fans合照，非常親民！

夾時間去探BB

講到在加拿大的好姊妹鍾嘉欣今晨自爆已誕下BB女，取名Kelly，香香笑認已守了秘密一些時間，但也不清楚BB的正確出生日子：「我都係早過大家幾分鐘發現佢真係生咗，恭喜嘉欣同BB，祝福佢哋身體健康，BB係個肥肥白白小天使，戥佢哋開心！希望大家畀多啲私人空間佢休息身體。（短訊Group恭喜咗佢？）係呀！見到小朋友嘅相，大家都話想咬佢隻腳，搣佢隻手。（飛過去陪嘉欣？）想呀，但要夾吓時間，都想同BB玩吓。（做契媽？）應該唔係我，等BB自己揀啦！（有冇百日宴？）未約，大家仲好興奮，仲講緊BB有幾得意。（BB似爸爸定媽媽？）兩個都似，睇吓佢大啲點，想佢似媽媽咁靚女。（知唔知嘉欣開刀定順產？）唔知。」問到會否也想做媽咪？香香笑言未有打算，但樂於與朋友的BB玩耍，做保母幫輕一下朋友。