【目測F Cup】48歲李婉華晒火辣三點式

20160827
東網電視
更多新聞短片
48歲李婉華淡出娛樂圈後反而愈嚟愈Fit,上圍仲勁「胸」湧,究竟點得番嚟嘅呢?
現年48歲嘅前無綫藝員李婉華(Anita)早年已移居溫哥華淡出娛樂圈!雖然Anita淡出娛圈專心相夫教子,但係身材一啲都冇走樣,仲分分鐘Fit過以前!呢日Anita就喺社交網上載咗幾張喺墨西哥度假時影嘅三點式噴血泳照,相中除咗見到Anita一對孖仔同埋大女之外,見一身鮮紅色火辣辣比堅尼嘅Anita上圍豐滿,目測F Cup應該走唔甩,要纖腰有纖腰,要長腿有長腿,簡直係逆齡生長!
「咩都食唔怕肥」
《東網》立即打咗個越洋電話聯絡Anita,原來佢趁住暑假,一家五口去咗墨西哥度假,佢話:「嗰邊暑假,就一家五口同埋啲朋友一齊去墨西哥度假輕鬆吓。」提到佢近乎F Cup嘅身材,她笑說:「我冇特別度過三圍,唔知幾多,不過我冇人工加工㗎,係純天然嘅!(點Keep?)我依家好注重健康,每朝用一個鐘頭跑步,咩都食,唔怕肥,因為有運動。以前成日要拍嘢,又減肥唔食嘢,太瘦喇,依家反而咩都番晒嚟!」
大女愛曬太陽
問到甚少上載性感泳照的Anita今次為何如此大膽,她笑說:「其實一直以來雖然有影,但係就真係從來都冇上載過,不過人一世物一世,今次影咗就試吓上載,估唔到咁大回響,自己都好開心。(老公揸機?)個個都有啦,自己唔識執相,所以啲相好黑。」至於相中見到Anita嘅大女曬得一身健康膚色,Anita說:「囡囡鍾意曬太陽,所以好黑!」