【目测F Cup】48岁李婉华晒火辣三点式

现年48岁嘅前无綫艺员李婉华（Anita）早年已移居温哥华淡出娱乐圈！虽然Anita淡出娱圈专心相夫教子，但系身材一啲都冇走样，仲分分钟Fit过以前！呢日Anita就喺社交网上载咗几张喺墨西哥度假时影嘅三点式喷血泳照，相中除咗见到Anita一对孖仔同埋大女之外，见一身鲜红色火辣辣比坚尼嘅Anita上围丰满，目测F Cup应该走唔甩，要纤腰有纤腰，要长腿有长腿，简直系逆龄生长！

“咩都食唔怕肥”

《东网》立即打咗个越洋电话联络Anita，原来佢趁住暑假，一家五口去咗墨西哥度假，佢话：“嗰边暑假，就一家五口同埋啲朋友一齐去墨西哥度假轻松吓。”提到佢近乎F Cup嘅身材，她笑说：“我冇特别度过三围，唔知几多，不过我冇人工加工㗎，系纯天然嘅！（点Keep？）我依家好注重健康，每朝用一个钟头跑步，咩都食，唔怕肥，因为有运动。以前成日要拍嘢，又减肥唔食嘢，太瘦喇，依家反而咩都番晒嚟！”

大女爱晒太阳

问到甚少上载性感泳照的Anita今次为何如此大胆，她笑说：“其实一直以来虽然有影，但系就真系从来都冇上载过，不过人一世物一世，今次影咗就试吓上载，估唔到咁大回响，自己都好开心。（老公揸机？）个个都有啦，自己唔识执相，所以啲相好黑。”至于相中见到Anita嘅大女晒得一身健康肤色，Anita说：“囡囡锺意晒太阳，所以好黑！”