唔算出櫃？林一峰讚卓韻芝勇敢

歌手林一峰及林二汶兩兄妹一同出席《暗中作樂2016》音樂會，首次參加的一峰擔任音樂會創作總監，一峰自爆係妹妹二汶遲邀請佢參加呢個活動，一峰說：「妳做咗咁多年，點解今年先叫我？」抵死的二汶說：「我以為你嚟過嘛。」由於同場還有黃耀明，二汶說：「我係私慾想黃耀明同一峰一齊唱。」

做歌手要練膀胱

一峰坦言綵排時感恐懼，他說：「頭十秒真係驚。」隨即開腔大讚公認靚聲的二汶說：「幾廿年聽慣佢把聲，原來佢真係幾勁。」謙虛的二汶說：「阿哥竟然讚我，其實我做過幾年，有年試過唱唱吓急尿。」搞笑的一峰插咀說：「做歌手唔只要練歌，仲要練埋膀胱。」引得全場捧腹大笑。

卓韻芝唔係出櫃？

對於藝人卓韻芝在騷上公開出櫃，大方承認同志的一峰說：「佢咩都做到，佢做任何嘢都冇事，有自我就有自信。」隨即表示會捧對方場，他說：「聽日會去睇佢個騷。」問到會否覺得對方勇敢？一峰說：「佢一向都勇敢，佢都未入個櫃，根本就冇櫃，唔使出、唔使入，呢個時勢，唔係大費周章講一輪。」