【使出洪荒之力】小S大女揹起兩個細妹

踏入8月嘅尾聲，就知道暑假即將完結，又就快到開學嘅日子！家有三個愛女嘅台灣女星徐熙娣（小S）趁仲有幾日時間，就同老公許雅鈞帶埋三個囡囡去今個暑假開學前嘅最後一個旅行，地點就係廈門。

呢日，小S喺社交網上載咗幾張旅遊照，仲留言：「孩子暑假開學前的最後一個旅遊，廈門！我們住在駿豪會所，裡（裏）面有很多好餐廳，泳池也很棒～太完美的ending了！」相中見到佢哋一家五口一齊出海，仲見到大女許曦文一個人揹住兩個細妹，網民見到都嘖嘖稱奇，大讚三姊妹感情非常好，真係隔住個螢幕都感覺到好溫馨！