【遲醒好過唔醒】周永恒嗌攰唔諗愛情

藝人周永恒（Roy）以娛樂公司老闆身份率領旗下藝人梁奕藍（Hayden）及女子組合O.M.G，並與歌手陳綺雯（Aki）出席美容集團發布會，而Roy與前女友O.M.G成員黃芊詠（Cherie）都不避嫌合照。

父母見過兩個孫

接受訪問時，記者問到Roy可有新戀情，他直言現時單身：「試吓同自己拍拖。（前女友同場會尷尬？）唔會，佢哋好勤力，大家都係鍾意藝術嘅人。（會翻撻？）好多嘢想翻撻，撻掂自己先，撻自己返church。唔諗喇，好攰。人世間有好多嘢追求，唔係得情情愛愛。（終於醒覺？）遲醒好過唔醒。」至於可有見過兩個囡囡時，Roy就話家人有見過囡囡：「阿嫲阿爺有見過，佢哋好得意、好開心。（你冇見？）遲少少先，一步一步嚟，一定可以嘅，阿Yu（前妻趙頌茹）照顧得好好，好多謝佢！」

呢頭又講溝女？

另外，Roy又透露跟Hayden是結拜兄弟，自己推出第二張專輯時都收錄了Hayden作曲的歌曲，笑言：「嗰隻歌都溝到好多fans㗎！其實我哋有三兄弟，好耐之前炒車，成架車摺埋咗都冇事，所以就去結拜，另一個就唔係依行嘅。」