祥嫂主持紀念新馬師曾百歲冥壽
20160828
東網電視
更多新聞短片
![](/hk/bkn/cnt/entertainment/20160828/photo/bkn-20160828173325158-0828_00862_001_01p.jpg?20161221171741)
難得一班徒子徒孫咁有心,非常難得!
粵劇名伶新馬師曾遺孀洪金梅(祥嫂),與好友黃夏蕙及新馬師曾一班徒子徒孫共超過四十人,到將軍澳華人永遠墳場新馬師曾墓前紀念新馬師曾冥壽一百周年,在祥嫂主持下,眾徒子徒孫逐一下跪上香,期間祥嫂突然感嘆謂:「對我嚟講,契番嚟仲好過自己親生呀,呢啲契咗廿幾年!」似乎祥嫂與四位子女的關係未見好轉。訪問時,祥嫂就指徒子徒孫們特意從廣州來港拜祭所以非常有心,又指事隔多年,心情依然難受。
子女缺席活動
問子女為何不來,祥嫂就指今日為徒子徒孫而設:「係祥哥藝術上後繼有人、薪火相傳,係唔關兒女事,佢哋都唔識唱粵劇。(另外搵日叫佢哋嚟?)有心就唔需要,係咪?(自己爸爸應該記得?)呢啲唔係我份內事。」問會否提醒他們時,她就主動要求轉話題:「呢啲我一時間唔識答,亦代表唔到佢哋答。(有聯絡?)有又好冇又好,我知自己係佢哋阿媽就得。」
最懷念祥哥品德
談到紀念活動,陳?紅、黎俊聲、彭熾權和曾慧等一班徒子徒孫就指之前在廣東電視台有播放一星期紀念特輯,亦希望再抽時間搞紀念活動。問最記掛新馬師曾甚麼,他們就指不捨得他的藝術:「好難再搵得番。」而祥嫂就指最想念他的品德:「又斯文,又淡定。」