繼續打情罵俏!伍允龍劉佩玥死撐冇拍拖

20160828
東網電視
更多新聞短片
仲死撐冇拍拖!

緋聞情侶伍允龍(Philip)及劉佩玥(Moon)出席劇集《城寨英雄》飯局時繼續打情罵俏,Philip身穿白及黃色服裝,Moon則穿白衫,她自爆是Philip叫她穿白衫。問到是否男友叫咩着咩?她笑說:「我冇咩黃色衫,咁白衫百搭丫嘛!前幾次我哋宣傳都配搭得幾好丫嘛!」

問到感情是否再升溫?兩人互相推搪着對方答,非常冤氣,最後Moon說:「係好朋友,拍咗三個幾月劇,見得最多!」問Philip有否追Moon?Moon搶答說:「冇喎!(Fans想你哋變真情侶?)係呀!但呢啲唔係拍套劇就突然發生。」

Philip又讚監製文偉鴻犀利,令不少以為他們真的拍拖:「連元秋都以為我哋係。」Moon說:「有場戲一齊食飯,Philip去咗美國,秋姐問我會唔會唔開心,拍拖唔會唔捨得咩?我話唔係呀!當時連展鵬佢哋都喺度笑!」

講到舊愛鍾嘉欣承認已生BB女,Philip說:「有上網睇到,唔會搵對方住,等佢主動搵番我,知好多人搵佢,等佢處理吓啲嘢先。」問到嘉欣的BB是否得意?Moon說:「個個BB都得意架啦!」此時Philip說:「你有冇睇過我啲BB相呀?」認真肉麻!