【死穴係胳肋底?】拳佬盲拳打死楊竹鑾

20160828
東網電視
更多新聞短片
真係笑爆嘴囉!
無綫劇集《城寨英雄》大結局播到第二節,楊竹鑾為趕走城寨居民,派手下掟街坊落樓,之後楊竹鑾為殺刁蘭趕去醫院,拳佬同刁蘭逃走,去到教會!
之後拳佬、牙佬、刁蘭同泰婆就殺入城寨保護居民,楊竹鑾就出現,四人再次打到飛起,楊竹鑾又再爆衫,拳佬、牙佬、刁蘭同泰婆圍攻都唔係好夠打,正當刁蘭發現楊竹鑾運功時,將罩門轉移到章門穴,即係右邊胳肋底!之後佢哋係咁圍攻佢個胳肋底,正當以為搵刀仔拮得入時,楊竹鑾已經將罩門轉移到其他地方,真係打極都唔死!
點知刁蘭無啦啦咀嘴拳佬,應該過啲真氣畀佢!之後拳佬即刻睇到楊竹鑾嘅弱點,即一下打落楊竹鑾弱點,楊竹鑾即時噴血走佬,呢次真係盲拳打死老師父!楊竹鑾落荒而逃,一度叫惡霸幫手對付「拳佬」眾人,但城寨一班居民挺身幫手,最終拳佬同牙佬聯手打落楊竹鑾,令楊竹鑾吐血而死!