《城寨》劉佩玥被綑綁 網民讚上圍激凸

20160828
東網電視
更多新聞短片
真係睇唔出原來Moon身材咁好喎!
參選港姐而成為無綫旗下藝人嘅劉佩玥(Moon),佢憑住劇集《四個女仔三個BAR》飾演心地善良嘅曾可欣(Holly),慢慢多咗觀眾認識。去到《殭》,佢以一頭短髮同成熟嘅性格飾演羅穎兒一角,再加上早前勁Hit嘅《一屋老友記》女神星晨嘅角色,獲得唔少宅男愛戴,成為新一代「宅男女神」!而今晚大結局嘅《城寨英雄》,Moon喺劇中飾演柯德莉,佢嘅曝光率都幾高,仲因為喺戲內同龍成虎(伍允龍飾)而傳出緋聞,人氣瞬間急升!
Moon喺《城》裏面飾演個性天真又淘氣嘅「屙殊殊」柯德莉一角,可能同佢本身性格好相似,獲得觀眾一致好評。雖然造型唔似得花曼咁sexy,着嘅衫亦比較復古同密實,但係有網民話Moon嘅身材比以前好咗,尤其尋晚播出嗰集明顯覺得升咗Cup添喎!
貼身民初衫騷身形
尋晚講到Moon為咗報仇,於是將火水淋喺殺手組織頭目「天干先生」嘅楊竹鑾(歐瑞偉飾)身上,想點火燒死對方。但係連龍成虎都殺得死,又點會咁易畀一個手無寸鐵嘅?妹KO丫,結果歐瑞偉就捉咗Moon,仲將佢綁起!Moon件民初衫雖然密實,但綁起咗之後,佢個body shape完全出晒嚟!上圍明顯比以前豐滿,再加埋Moon希望鬆綁而郁嚟郁去,激凸上圍非常之養眼!
激凸上圍惹網民討論
劇集播出後,唔少網民紛紛討論,佢哋話就咁目測Moon上圍超C趕D喎!仲將佢喺劇中唔同嘅造型Cap咗出嚟,送畀唔同口味嘅宅男添!有網民仲留意到無綫呢期好鍾意拍禁錮兼綁紮嘅場面,佢哋諗番起謝安琪(Kay)喺《殭》入面被綁喺床度激凸爆乳嗰幕添!不過講到上圍大啲,當然唔夠阿Kay嚟啦!
楊竹鑾零死穴?
另外,尋晚另一個亮點,就係拳佬(陳展鵬飾)、牙佬(袁偉豪飾)、刁蘭(胡定欣飾)同埋泰婆(元秋飾)圍攻楊竹鑾!楊竹鑾武功高強,練咗「鐵布衫」刀槍不入,勁到冇朋友!佢哋四個係咁攻楊竹鑾要害,刁蘭直情拎把刀仔拮佢胳肋底,拳佬就踢佢下體,但楊竹鑾都係冇事,仲打番佢哋轉頭,真係勁過葉問呀!
網民有話兒
Kxx xx Cxxn:柯德利(莉)大義滅親勇氣可加
Lxxng Lxxxg xxng:對付天干我有辨法……掉屎比(畀)佢件破鐵布衫……好過掉火機
鄭XX:睇唔出原來Moon身材咁好!!
Camxxx xxxong:阿Moon好靚靚,支持妳!繼續努力
Yxx Hiuxxxx:亞MOON,你演MISS柯殊殊,做得好,好過現時的蔡思貝,我睇好你,加油