【推情侶檔Job】伍允龍劉佩玥失七位數

20160828
東網電視
更多新聞短片
有工作喺身,冇計啦!

熱爆全城的無綫劇《城寨英雄》大結局,全劇28集可謂高潮迭起,既有催淚感情線亦有精彩打戲。主角陳展鵬、胡定欣、袁偉豪、伍允龍(Philip)、劉佩玥(Moon)及王君馨固然成為熱門搜尋人物,連配角吳家樂、歐瑞偉、林穎彤及李嘉亦人氣大增,帶挈工作量亦增加不少。

忙住做李小龍

當中「龍成虎」Philip與「柯德莉」Moon一對深受網友歡迎,日前「龍成虎」向「柯德莉」求婚當日被殺,喊爆全港觀眾!兩人戲外亦傳出緋聞,被大批網友要求「在一起」,令不少商場及廣告商吼實這對情侶檔,以高價邀請兩人接Job。不過,Philip稍後將要到美國宣傳由他飾演李小龍的電影《Birth of the Dragon》,其後又要拍攝王晶新片,最後無奈推掉情侶檔邀約,令兩人損失合共達七位數字!

劉佩玥唔怪伍允龍

Philip的經理人公司承認最近不少廣告商找兩人開工:「係多咗好多人搵,但因為有其他工作在身接唔到。(見財化水?)唔可以咁講嘅,啲工作一早接好晒,點都要完成佢。」至於Moon接受電話訪問時表示不知道邀約增加,笑言沒有怪Philip累她賺少咗:「知佢好忙,要一齊出騷就係公司之間傾,今次唔得就下次囉!(少咗搵銀機會?)工作隨緣啦!(叫佢請食飯?)梗係要啦!《城寨》咁收得,仲要佢請多我幾餐添呀!」

不過,「不愁寂寞」的Moon早前與《一屋老友記》拍檔張彥博(細寶)拍片合唱甚受歡迎,她笑言若Philip太忙,可改為找她與細寶出騷。