封咪冇睇頭　鄧月平：事業線唔係最重要

有「巨胸翠如」之稱的18歲鄧月平（Larine）因擁有F Cup上圍，在網上早已備受注，今日她聯同另外13位viuTV選美參賽者身穿泳衣出席記者會，可惜Larine竟被安排穿上包到冚泳衣Top，完全冇事業線，「峰」頭輸晒，令人大失所望！而泳衣底部更疑似露打底Pad。

問到點解咁密實？Larine受訪時搞Gag說：「返風，凍呀！（你要求密實啲？）冇特別要求，第一次着呢款泳衣，好靚丫！要Keep起佢！（唔覺得輸晒？）事業線唔代表最重要，仲有其他嘢可以騷。（覺唔覺自己係大熱？）唔覺，我有好多嘢唔識，冇咩經歷，今次參加會令自己成長快啲。」