劉佩玥希望搣甩Baby Fat

藝人劉佩玥出席鐘錶活動，並擔任模特兒。近日頻頻曝光的她坦言很開心，證明觀眾對她有份主演的《城寨英雄》相當受落，她說：「其實每個劇都畀到我好多收穫，無論係前輩嘅指點定係工作。工作有好多洽談中，會陸續有嚟，仲接咗廣告，但要賣個關子。」她透露最近積極打泰拳及健身來瘦身，希望可以在兩星期內減五磅。

問到是否由找伍允龍教她？劉佩玥即否認：「唔係，但我有請教過佢同陳展鵬點控制體重。佢哋都叫我唔好節食，因為會反彈得好快，要做運動同早瞓。我之前因為壓力，免疫系統出咗啲問題，依家已經好好多，我希望個樣精神，唔想執相。」劉佩玥稱現時體重跟參選港姐時差不多，比起磅數，她更希望將脂肪變成肌肉，又希望臉部的baby fat可以消除：「不過我媽咪都有baby fat，佢叫我唔好咁介意，去到三十幾歲，想有都冇，叫我修身，但塊面就隨遇而安，有啲網友都話我塊面有啲肉幾得意。」