暑假完喇！星級小朋友開學喇！

藝人劉愷威繼昨日帶子洪郎上身後，今日再度親自湊囡囡「小糯米」返學，戴上帽及眼鏡的他全程抱實愛女，愛女則乖乖地依偎爸爸。而劉愷威經理人指劉愷威與楊冪都想保護小朋友的私隱，望大家不要再跟拍。

小籠包怕怕醜醜

另外，陳慧琳（Kelly）亦有現身湊仔返學，她與囝囝「小籠包」由司機送到學校，Kelly輕鬆地一手抱囝囝落車，小籠包甫見老師即怕怕醜醜，看到記者更是一面疑惑，十分可愛，問大仔「蝦餃仔」開學未？Kelly說：「開咗啦，今日陪細佬返學。（之後都自己湊？）唔使呀，係今日要陪佢上堂咋！」

麥家琪素顏呢Hea

未幾亦見麥家琪素顏現身湊女返學，抱完細女落車又回頭向車內大叫「你坐好！」疑大仔在車上，細女又想自己行入學校，令家琪有點手忙腳亂。而文頌嫻則大讚囡囡冇扭計。