7億未夠喉！鎮宇阿佘嫌《使徒》票房少

演員吳鎮宇、佘詩曼、張家輝、古天樂等主演的電影《使徒行者》上映至今包括大陸、香港及星馬，亞洲總票房已衝破七億港元，單是內地已經錄得逾五億八千萬人民幣，今晚在尖沙咀舉行慶功宴，嘉映影業董事長覃宏、無綫主席陳國強、監製王晶、導演文偉鴻與一眾演員齊齊慶功。

準備開續集？

吳鎮宇與佘詩曼一同接受訪問，問到對電影票房衝破七億心情興奮嗎？吳鎮宇笑說：「梗係唔興奮，應該十億八億，得嗰七億咋，希望繼續升啦。」佘詩曼則說：「開心嘅。第一次電影票房有七億。（想唔想再高啲？）咁貪心，當然希望好似鎮宇咁講再高啲啦。（想唔想電影開續集或前傳？）好似度緊。」鎮宇則說：「一次開幾集，連破三集。」

唔打算加片酬

問到鎮宇現時十億八億票房是否很容易？他說：「都好難㗎，講就咁講啫。」而提到電影成績那麼好，會否加片酬？阿佘說：「希望加多啲戲仲好啦。」鎮宇說：「唔會啦，點會加，合約簽落咗幾年，想加都冇得加。」鎮宇對阿佘笑說：「獎勵自己加啲身材，片酬又加。」阿佘則有點尷尬說：「唔需要喇。希望續集加多啲戲。」鎮宇則說：「戲已經夠，已經拍得好辛苦。」