【嘉玲分唔分到？】梁朝偉同替身撞樣

正在意大利拍攝馬楚成執導的「攻略系列」電影第三部嘅梁朝偉，新片更有小鮮肉吳亦凡及唐嫣等參演。正當一大班人埋首拍新片，連朝偉都Chok住「緝兇」之際，有位網友就上載咗兩張拍攝花絮，而相中竟然有兩個梁朝偉！

原來係梁朝偉同佢新片入面嘅替身，難得見到鏡頭外兩個人同時出現，齊齊着住同款白衫黑褲，無論係髮型定動作，遠睇真係似到十足十，成對雙胞胎咁，搞到照片一出，大批網友爭住「認人」，一時就話左邊嗰位有鄉土氣息，一時又指右邊嗰位條頸長啲，恐怕真係要叫梁朝偉真身出嚟認人！