【小心被冧暈】梁朝偉再晒迷人電眼

20160902
東網電視
更多新聞短片
偉仔隻電眼一向都係電力十足,真係小心被佢電暈呀

影帝梁朝偉(偉仔)一雙招牌迷人電眼一向深入民心,上年佢就用呢一雙電眼拍咗個護眼產品廣告,個廣告喺內地熱播之餘,仲吸引20萬網民熱烈討論呢個廣告,認真威水!

一雙電眼威力咁厲害,當然要食住個勢繼續上!今日,澤東電影Facebook專頁上載咗一段黑白廣告製作特輯,片中除咗見到偉仔之外,仲見到周迅,原來今次佢哋合作,打造一個《不怕黑》三部曲。雖然只係製作特輯,偉仔喺入面又冇做啲乜,只係飲吓水,同工作人員談談天說說地(雖然大家聽唔到佢講嘢,只係聽到背景音樂),不過已經完全感受到偉仔呢雙電眼嘅強勁電流,相信今次又可以感動全國女性觀眾,個廣告再用埋「她眼裡(裏)有故事,他眼裡(裏)有答案,關於不怕黑的答案。」嚟做Slogan,係咪好有Feel呢?