麥明詩大露背引港男注意 鍾情6號馬俊傑

20160904
東網電視
更多新聞短片
影「後」麥明詩!Nice back!

十位候選港男昨日現身商場拉票,透過現場觀眾爭奪「現場最佳表現香港先生」的獎項,結果由(1)鍾君揚(Freeyon)獲得。而2015年港姐冠軍麥明詩更即席分享心水港男,分別是(2)麥凱程(Alex)、(6)馬俊傑及(9)丁子朗。及後更逐一訪問三人,麥明詩向Alex問:「我靚唔靚?」,剛公然對候選港姐劉穎鏇心動的她即大晒法文,更謂:「兩個都非常靚。」而馬俊傑則謂:「你靚佢少少,不過佢都唔差!」

穿上大露背裙的麥明詩,事後問到是日打扮是否引港男注意?她笑謂:「呢度咁多港男,驚佢哋搶焦點,所以我都要出少少搶吓。(Alex晒法文讚你好冧?)其實頭先喺後台嗰陣,個個都各出奇招,有啲就話同我一樣姓麥,有個就話自己最細,我第一次見馬俊傑係去巴西之前,嗰時都未選出10個,覺得佢幾啱眼緣,本身鍾意陽光同青靚白淨型,唔好太黑。(咁男友林作呢?)唔好講佢啦!(換咗畫?)唔講啦,低調啲!」