黃德斌登喜瑪拉雅山　女友勁擔心

藝人黃德斌、謝東閔和梁彥宗在機場出發到尼泊爾拍攝無綫新節目《天與地》。將與大隊勇闖喜瑪拉雅山的黃德斌就指會拍攝約廿日，兩個旅行大袋主要裝衫褲，加上少少食物和藥物。他直言這個旅程是人生至今最具挑戰性的一個：「好在隨團有專家同治療師，日日睇住我嘅情況。（女友都擔心？）些少梗有，盡力而為囉，上到上面都冇得夾硬嚟。」

他自言有高山症反應即刻食藥，又指之前去西藏時亦曾有反應。談到今次登山目標，他就指想嘗試上Camp 2：「都差唔多海拔6000米，Camp 1就事必達到。（有冇諗過上到去珠穆朗瑪峰？）如果十年前問我，我會答會。要好專業㗎，有史以嚟都係得百幾個上到去。」問曾在神劇《天與地》拍攝「食人肉」的他有否帶定架生「開餐」，他即笑謂：「搵手撕啦！」又笑謂會食謝東閔，因對方是「小鮮肉」夠好味。