陳慧琳唔再叫囝囝乳名：男仔Man啲好！

歌手陳慧琳、王灝兒（JW）、賭王三房女兒何超蓮、攝影師戴尚安、香港桌球「Cue后」吳安儀等早前參與了化妝品牌的慈善企劃，分享有關他們各自最想守護的故事以及珍藏照片。

陳慧琳（Kelly）表示要守護的是幸福，要幸福的由來正是家人，她帶來兒子小時候的照片，於現場即席製作相簿，她有感而發地說：「做媽媽，守護囝囝係天職，但同時其實佢哋兩兄弟都一直守護住我，帶畀我好多歡樂同幸福，呢種互動嘅幸福對我嚟講係最完整。有佢哋，我冇今日嘅幸福，所以真係好感恩。」

說到有些媽媽會害怕子女長大、建立自己家庭後會不理自己，Kelly說：「我都擔心有呢一日嘅出現，但相信自己有能力應付。其實囝囝慢慢長大自立，你都會開始意識到佢們唔再咁需要自己，但中間應該會有一個時間畀我適應，而且佢哋同其他人建立嘅幸福同父母畀嘅係唔同，只要佢哋幸福，我就幸福！」

Kelly又指隨着兒子長大，名字也需要稍為微調，Kelly笑說：「以前囝囝仲細，我幫佢哋改咗個可愛嘅點心名，但隨住佢哋長大，老公提我係時候要改口，否則怕囝囝喺學校會畀同學笑，始終男仔名都係『man』啲比較好，所以依家我經常提醒自己唔好再叫佢哋嘅點心乳名，要直接叫Chace同Riley！」

至於JW與超蓮這對閨蜜，最希望是守護大家的友情。拍攝宣傳片時，她倆一邊聊天一邊整蛋糕，很容易便逗到對方大笑，彷彿有說不完的話題，期間亦不忘互相檢查妝容，確保大家都是靚靚出鏡，默契盡現。