岑杏賢唔介意見少咗　戥袁偉豪多嘢做開心

藝人岑杏賢現身明珠台節目《地球的邊緣2》宣傳，表示月尾將飛台南三天為新劇《不懂撒嬌的女人》拍外景，對於男友袁偉豪近日憑劇集《城寨英雄》角色人氣急升，岑杏賢直言男友受劇集效應忙碌非常，經常飛外地登台，她謂：「今個月佢飛咗3次，都未見過佢，不過我唔介意，係開心事。（覺得佢吐氣揚眉？）佢捱咗咁耐有咁多人鍾意同認同，令佢自信心都加強，對日後工作有幫助。」

對於男友在《城》劇中不乏打戲，岑杏賢表示拍攝時也替對方受傷感心痛，她謂：「拍頭1、2日嗰陣，佢有兩隻腳趾甲反咗，嗰個位黑咗成年先生番新甲出嚟，可能係隻腳趾甲帶旺佢啦（唔係你咩？）希望係。（叫佢唔好再拍打戲？）如果觀眾鍾意，冇理由阻止佢。」