非首次見家人　劉佩玥同伍允龍關係密切

藝人劉佩玥（Moon）出席《香港網球公開賽2016》活動，與伍允龍緋聞鬧得熱烘烘的Moon，近日還雙雙現身男方好友安志杰及Jessica C.的家庭聚會，不過Moon繼續於活動上否認拍拖，表示與JC也認識，自己也非首次出席對方「家庭」聚會，她謂：「我以好朋友身份出席，因為好想睇JC個BB，但第一次係佢（伍允龍）帶我去嘅，好朋友介紹好朋友係合情合理，唔覺佢追我，只係大家關係非常之好，好密切。（對伍允龍冇感覺？）真係好朋友。（媽咪唔畀？）唔關家人事，依家想工作為主，就嚟又27歲生日。（驚戀情見光死？）潮流都興大方公開，咁我真係唔係拍拖嘛！」

點解冇預元秋？

在場傳媒取笑伍允龍為何只帶Moon出席老友聚會，反而劇中與伍允龍感情要好的元秋卻未有列入名單，對此Moon尷尬謂：「我唔知點講，你哋今晚活動問佢本人啦！問點解帶我去。（咁佢有冇機會？）所有嘢都係由朋友開始，緣分我唔強求，依家享受單身同享受同佢嘅好朋友關係，其他嘢交畀神。」