定欣催開《城寨》電影版:恨到口水流!

20160906
東網電視
更多新聞短片
大家都好期待!
藝人陳展鵬、胡定欣等出席《城寨英雄》「祝捷晚宴」,慶祝該劇創下自2013年無綫自製劇集大結局最高收視35.2點(觀眾人數約228萬),今晚無綫於電視城中菜廳筵開十四席,超過五十位演員出席!對於劇集好收視,胡定欣笑言好開心:「食完一餐又一餐(慶祝飯),今晚特別齊人!」
預咗打到飛起
定欣與陳展鵬將再合作拍劇集《同盟》,兩人不約而同搞笑地指監製文偉鴻不會放過他們,劇集繼續打到飛起,胡定欣表示:「監製知道我哋情況,當我哋動作演員咁去拍,點會放過我哋,呢套劇我會飾演女保鏢,保護陳展鵬,啲衫都係又貼又短,仲要冬天拍,雖然凍,但都未必打到底,同埋都驚會有啲磨損!」
陳展鵬則表示很期待新劇開拍,他謂:「因為今次係時裝劇,應該可塑性大一啲,可以拍續集、電影版嘅機會亦都大啲。(打到飛起?)監製知道個班底打得,唔會怨,一定有,中後段打得好勁,戲入面我會做高富帥,希望好似《城寨》咁,帶到觀眾去睇另一個世界。」
追開電影版
談到《城寨英雄》是否開電影版,胡定欣笑言要「追吓先」:「一陣間見到監製、珍姐(曾勵珍)嘅時候問吓先,我真係恨到口水流,希望開到電影版。」在旁的陳展鵬被問想不想開?他謂:「可以!」胡定欣即叫陳展鵬要肉緊啲,十分搞笑!