代父還巨債無怨言！黃又南努力回饋家人

藝人黃又南出席萬希泉產品發布會，他透露自己近來專登為拍電影減肥，成功瘦了約10磅：「因為我之前接咗部電影，全部都係動作嘅，會喺深圳、泰國拍，不過拍攝時間延遲咗，但都唔係一件壞事，畀多咗時間我去做準備。」又謂自己的身體可快速瘦下來，前年年尾跟女星周迅拍攝微電影《霾埋了》時，曾嘗試為減10磅，而在7天內有4天沒有進食，只飲齋啡，可是當時亦有見頭暈，令媽媽非常擔心自己只顧工作而廢寢忘餐。

新廣告獲好評

又南續開心表示近來拍了幾個廣告，其中一個是女性用品廣告大獲好評：「出面睇完嘅反應話我係暖男，話啲女仔睇完好sweet。」稍後會繼續拍攝數個廣告及洽談電影工作。

而有份為品牌設計腕錶的又南，坦言三年多前透過朋友介紹認識了「港產陀飛輪」萬希泉創辦人沈慧林（William），二人相識後十分投契：「William知我入行經過、我嘅高高低低，話我嘅經歷好正能量，所以用咗嚟構思隻錶。」又謂以錶款內的針來表達對父母的愛、帶出珍惜親情的重要，續說：「只要個人孝順，個人壞極有限。」以往曾自住超過6年的他，表示現跟家人一起居住了8年：「人愈大，愈冇自己一個住嘅心態，雖然少咗私人空間，但有湯水飲係兩件事。」

感激父母養育之恩

由2003年開始為父還債的又南，透露於2009年已為爸爸還清697萬港元的債務，稱爸爸不是自己的負累，反而是其永遠的偶像及推動力，又謂家人20多年給予我很好的教育，教我待人接物，現在是應以舒適的生活來回饋他們。