連陳國坤都嘩然　黃伊汶性感長裙撐場

藝人黃伊汶以黑色性感長裙去會展睇內衣騷，以行動力撐品牌老闆和第一次行内衣騷嘅李成敏。黃伊汶坦言出門時老公見到佢咁性感都忍唔住「嘩！」咗出嚟！仲問咩料同打好底未。黃伊汶話：「平時好少着到場咁性感畀老公睇，去郊外或游水先會着咁多窿嘅衫，襯住依家身形仲可以着到靚衫就着多啲。」

另外，黃伊汶今年3月為老公陳國坤誕下兒子，覺得生活多咗樂趣，成日幫囝囝影古怪相，好似同老公夾計整蠱佢咁。