演唱會落幕　郭富城哽咽：最大壓力一次

舞台王者郭富城為十五場紅館演唱會「郭富城舞林密碼世界巡迴演唱會2016香港站」舉行尾場，唱完一輪歌之後，城城換上一身半透視全白look，仲除外套騷肌，仲叫觀眾記得影低佢騷肌肉。

城城唱完《愛的呼喚》後，城城在台上有感而發表示時間過得太快，演唱會眨吓眼就過，而今年係自己入行25周年，所以非常值得紀念，哽咽謂：「今晚之後離開呢個舞台之後，都唔知幾時返嚟，好感謝歌迷過在場所有觀眾。人生有幾多個25年？今次演唱會，係我一開始做歌手以來最大壓力嘅一次，依樣嘢係冇人會知道嘅，好開心終於完成咗。我只可以講，我用咗最大努力，畀心機去表演畀大家睇。喺依個舞台最開心就係得到你哋嘅掌聲，你哋嘅掌聲打畀我最大嘅動力，無論點都好，我嘅初心係冇邊個嘅。25年入面高高低低，人生起起伏伏，雖然依幾年我拍咗好多戲，但係我冇忘記我係一個歌手、一個舞者！下個25年可能好遠，但我承諾未來10年我會好努力！」最後，城城以勁歌熱舞及高難度盪鞦韆來為演唱會畫上圓滿句號。