成日演同志角色　林耀聲唔怕被定型

歌手黃耀明、林耀聲、游學修、王若琪、國際知名變裝歌手Conchita Wurst等出席爭取同志平權的「一點粉紅」新聞發布會。林耀聲與游學修是這次活動的「HeHe大使」，他指這次是第一年參加，覺得活動非常有意義，因為能宣揚多元化社會。

提到他在過往多套作品中都飾演同志角色，像已成為同志的代表，林耀聲說：「作為演員要作多方面挑選，人哋覺得我演得似，證明我花咗心機去演。（怕被定型？）唔驚嘅。」又指過去沒有同志向他示好。

問到可會叫參與ViuTV《美選D.n.A》的女友張沛樂一起參與活動？林耀聲說：「佢好忙，忙住選美。（點支持佢？）煮餐飯佢食啦，呢啲要睇佢自己。（女友唔鍾意你扮基？）唔會，佢好支持。（怕你變性取向？）唔會，我演員嚟，我都有同佢講過，佢都有睇過我作品。」