18歲吳偉豪獲公司力捧:個樣真係幫到我
無綫藝人吳偉豪(Ricco)乃無綫藝員訓練班的畢業生,現時獲公司力捧的他,除了是包薪合約藝人外,更已被派演有戲份的角色,「少年版吳彥祖」Ricco外表斯文,卻是跆拳道黑帶高手,現時更學習正宗詠春,亦是葉問弟子門下。

廿年前的藝人,十個有八個都是藝員訓練班出身,不過現時多了如港姐及香港先生等這些入無綫做藝人的渠道,由訓練班入行而又獲公司力捧的,真的少之又少,而「少年版吳彥祖」吳偉豪(Ricco)是無綫28期藝員訓練班的畢業生,現時只得18歲的他,在《愛‧回家之八時入席》中,飾演林禾一角,即鍾景輝的孫兒。

有劇拍「以為我走後門」
Ricco畢業不久便擔演有戲份的角色,算是幸運的一位!Ricco俊朗年輕的面孔,樣子有點似混血兒,但原來他是百分百香港人,由細到大,他就讀國際學校,家中四兄弟,可謂「全男班」。他受訪時說:「其實18歲有戲做已經好滿足,我本身好鍾意睇電影,好多師姐師兄知我咁快入劇組,都問我係咪識人,以為我走後門。(有冇唔開心?)都有少少,不過唔緊要,時間可以證明一切。」

說到其俊朗「小鮮肉」面孔是其大優勢,他笑說:「我個樣真係幫到我好多,鬼鬼哋,好多人話我似吳彥祖,不過依家同好多前輩合作,好似黎耀祥、毛舜筠,佢哋都叫我唔好急,慢慢嚟!」冇錯,現時才18歲,青春永遠是最好的籌碼。問他現時有否拍拖時,他怕醜謂:「冇呀!之前其實都拍過拖,不過入咗無綫之後都冇時間,唔可以玩,自己都希望專注事業。」

服裝:Harmont&Blaine/7 For All Mankind
場地鳴謝:詠春奧秘(何聯)
hho.henryho@gmail.com