【事業線係亮點】張名雅結婚食餸頭餸尾

前港姐張名雅喺9月9日同律師男友Joe結婚擺酒，當晚仲筵開40席，唔少圈中朋友都有去到賀！雖然一對新人都非常開心盡興，但有苦真係自己知！

相信唔少夫妻都有同感，擺酒流程長過細水長流，又要周圍祝酒又要影相，加上張名雅同老公要接受訪問，真係冇啖好食！凌晨時張名雅就上載咗張露出三吋事業線嘅相，Sorry錯重點，應該係餓爆食嘢相，佢留言：「After you people left..we took over the leftovers.」大概意思就係啲賓客走晒，我哋先去食啲餸頭餸尾！張名雅仲露出楚楚可憐嘅樣，相信新娘子要Keep fit加上當晚咁忙，都餓咗好耐喇！有網民笑言唔使食杯麵咪好囉，又祝佢幸福快樂咁話！