超窄身+超高踭！陳自瑤寸步難行搵救兵

尋晚港男已經好多靚女睇，估唔到今晚港姐仲多，除咗有十位準港姐，仲有一班搏到盡嘅女藝人。

除咗未婚女藝人搏到喊之外，連人母陳自瑤都好搏。今日，佢以一身火紅晚裝技驚四座，除咗「超強警鐘胸」拋窒咗大家之外，佢嘅舉動更加係令到佢成為全場最搶。

事緣陳自瑤着嗰條晚裝裙超窄，加上佢對高踭鞋目測至少有六吋，所以佢可以話係寸步難行。當佢行出嚟影靚相時，佢要不斷烏低身整理裙襬，個樣已經異常尷尬。跟住佢準備離開嘅時候，又論論盡盡咁，數度發出求救眼神。最終，佢老公王浩信伸出「愛之援手」，扶實陳自瑤行，陳自瑤先至脫離困境咋。