雷晴雯訪問水禾田老師勁緊張嗌有壓力

20160913
東網電視
更多新聞短片
雷晴雯就話今次經歷有少少壓力。
藝人雷晴雯(Winnie、前名雷穎怡)早前獲邀出席「水禾田慈善水墨畫展」,獲大會安排為其藝文頻道《舞影藝文》訪問水禾田,Winnie笑言依然緊張:「細個睇亦舒嘅作品時已經好鍾意水禾田老師嘅畫作,計落都有廿幾年,訪問老師點都會緊張,老師係攝影及繪畫大師,見聞廣闊學識淵博,加上老師轉數非常快,自己轉慢少少就已經有可能接唔上,仲要必須一take過完成專訪,少少壓力一定有。」
Winnie為其藝文頻道一腳踢,由資料搜集、寫稿、影相、攝錄、到後製加工、剪接、配音、字幕等,都一手包辦,她笑言也覺得不可思議:「我係超級電腦白痴,樣樣都由零開始學起,逐樣逐樣咁自學,有時真係幾痛苦,最記得第一次學配字幕,由試Software到成功完成,足足試咗四日四夜!」
問到經營藝文頻道可有遇過不愉快事件?她表示曾遭某主辦方遊說她參與競投畫作,她婉拒後,對方即變得態度輕蔑,Winnie說:「買唔起又如何?我大把嘢買唔起啦!事實又怕咩認!買唔起唔代表唔可以去欣賞、鍾意佢哋嘅作品,亦唔會防礙我介紹畀大家,『藝術』本來就係無價,我唔會以買唔買得起去衡量當中價值!」