鄭丹瑞講有味笑話　張秀文：大家都好驚

藝員鄭丹瑞（阿旦）、梁嘉琪、張致恒為新一輯無綫節目《你健康嗎？》舉行記者會，嘉賓有張秀文、黃淑儀、陸浩明等。鄭丹瑞找來張秀文示範按面部穴位去水腫，他笑說：「你想用手定用嘴按？」張秀文笑說：「好少講有味笑話大家都冇反應，可能太真，大家都好驚。」

鄭丹瑞唔續約TVB

鄭丹瑞原本八月尾已經約滿無綫，但捱「義氣」延長合約到九月拍攝節目《你健康嗎？》，他說：「因為遲啲要拍電影、做音樂劇所以唔續約，八月中收到電話叫我做呢個節目，同TVB老友記，呢個節目去到第四輯又好有感情，叫到梗係做。（將來再添食仲做唔做？）同TVB關係良好，時間就到會做嘅。」

張秀文消瘦自嘲老咗

張秀文透露她由細到大一直腸胃有問題，好似便秘、肚屙、胃氣脹，但學識按摩穴位後已減少困擾。張秀文笑謂經常懷疑自己有病，每有不適就上網搜尋嚴重病徵，好似癌症、紅斑狼瘡症，但慶幸只是虛驚一場。講到她近期消瘦不少，張秀文則說：「冇減肥呀，可能老咗，baby fat收縮咗，哈哈。」