「武」林飯局　阿緯約冼國林食飯開拖

今年7月迎娶碩士老婆的台灣Lollipop@F成員阿緯（劉峻緯）來港拍戲，雖然工作忙碌，但不忘找師傅冼國林飯敍。冼國林帶同旗下藝人、徒弟陳嘉桓、周嘉莉、葉芷如等與阿緯見面。期間眾人更切磋武藝，拳來腳往一番，師傅冼國林當然也有「過兩招」給徒弟們學習，來一頓「武」林飯局。

讚阿緯有心肝

冼國林接受訪問，大讚徒弟阿緯有心肝，過時過節都會問候他。之前阿緯在台灣結婚，冼國林一家三口特別飛去當地飲喜酒，他表示：「我好小出埠飲喜酒，但為咗佢就破例一次啦。佢太太好靚，同佢好相襯，祝佢哋白頭到老。」

讚嘉莉身形好

當日一班徒弟食飯，因阿緯未見過周嘉莉、葉芷如，所以要冼國林逐一介紹。當介紹周嘉莉時，阿緯搞笑地稱因師傅關係，跟周嘉莉「早已認識」。冼國林表示：「阿緯一見到周嘉莉，就話見過佢，因為我有畀一啲嘉莉嘅短片畀阿緯睇，佢仲讚嘉莉身形好。」