再被翻爆粗舊帳　盈盈解畫：設計出嚟

出爐港姐冠軍馮盈盈於將軍澳出席面膜品牌活動，由代言人黃翠如頒獎給她，由於兩大美人都同粗口結下過不解緣，所以呢場碰面絕對係世紀級。

想為爆粗往事負責

近日馮盈盈除被翻舊帳指其講粗口外，最新又流出一段其早前拍攝的玩滑翔傘短片，更被指疑似爆粗。事緣剪片師突然在短片中加了「嘟」一聲聲效，讓人感覺馮盈盈突然爆粗。對此馮盈盈指該片是於去年拍攝，並謂當時是為了增加影片的趣味性才加入相關效果，她說：「啲橋係度出嚟，『嘟』都係，唔係爆肚。（仲講有味笑話喎？）係設計出嚟嘅！」而談到兩年前的爆粗FB流言，馮盈盈對於有網民支持及指她勇敢直認開心，又謂勇於承認爆粗並非另有目的，而是為了對自己做過的事負責。

「選港姐前同後都冇變過！」

談到成為冠軍後被翻舊帳，可會感到大壓力？盈盈說：「勇於面對所有自己做嘅事，選港姐前同後都冇變過，壓力係有，覺得有啲地方做得唔夠好想做好佢！」談到首次與翠如見面，問到如何看待對方曾指害怕講粗口的人，她說：「其實自己平時日常都唔會講，係有啲澎湃情緒先會打出嚟。（以後少講政治？）作為香港人先會有意見，對香港發生嘅事會關心會表達出嚟，但可以表達得包容啲，令人唔會有誤解！」